හික්කඩුව නගර සභා ඉතිහාසය

ක්‍රි.ව.1868 දී දොඩන්දූව ප්‍රදේශයේ ජිනලබ්ධි විශෝධන නමින් දොඩන්දූවේ සිරි පියරතන නාහිමිපානන් විසින් ආරම්භ කරන ලද ශ්‍රී ලංකාවේ ප්‍රථම බෞද්ධ පාසලත්,කල්‍යානවංශ නිකායේ මූලස්ථානය ලෙස හැදින්වෙන දෙගල්ල පන්සල නොහොත් දොඩන්දූවේ ශෛලබිම්බාරාම විහාරයත් දොඩන්දූව කුමාරකන්ද මංසන්ධිය අසළ යාර දෙසීයක් පමණ ඉදිරියෙන් ඇති දර්ශනීය කදු මුදුනක දිස්වෙන කුමාර මහා විහාරයත්, සියම් මහා නිකායේ මල්වතු පාර්ශවයට අයත් වසර 200 කට වඩා පැරණි හික්කඩුවේ ශ්‍රී සුමංගල හිමිපාණන් වැඩ විසූ හික්කඩුව තිලකාරාම පුරාණ විහාරයත්, හෙට්ටිගොඩ පිහිටි ශ්‍රී සුමංගල නා හිමියන් උපන් බිමත්,1979 මැයි මස 18 දින සමුද්‍ර අ්‍භය භූමියක් ලෙස නම් කරන ලද හික්කඩුව කොරල් පරයත් හේතුවෙන් හික්කඩුව නගර සභා බල ප්‍රදේශය ලෝක ප්‍රසිද්ධ වී ඇත.

2000.12.13 දින අංක 1162/12 දරන අති විශේෂ ගැසට් පත්‍රය මගින් නගර සභා ආඥා පනත යටතේ හික්කඩුව නගර සභාව පිහිටුවන ලද අතර සභා බල ප්‍රදේශයේට ග්‍රාම නිලධාරී වසම් 27 ක් හා වර්ග කි.මි.12.83 ක් අයත් විය. ජන්ද කොට්ඨාශ 11 කින් හා නගර සභිකයින් 11 දෙනෙකුගෙන් යුත් ප්‍රථම නගර සභාවේ සභාව පිහිටුවන ලද්දේ 2002 වසරේ වන අතර එහි ප්‍රථම සභාපති ධූරය හොබවන ලද්දේ ගාමිනී ඩික්සන් මැතිතුමා විසිනි.

හික්කඩුව නගර සභාවේ මන්ත්‍රීධුර සංඛ්‍යාව මේ වන විට 20 ක් වන අතර එය සභාපති ,උප සභාපති හා ගරු නාගරික මන්ත්‍රීවරැන් 14 ක්ද ගරු නාගරික මන්ත්‍රීවරියන් 4 දෙනෙකුගෙන්ද සමන්විත වේ. වර්තමානයේ සභාපතිධුරය හොබවනු ලබන්නේ විනී කාරියවසම් මැතිතුමා වන අතර 2002 වසරේ සිට මේ දක්වා සභාපතිවරුන් 04 දෙනෙකු යටතේ පාලනය විය.